0
Tuesday 18 Aug 2020 11:15

گلگت بلتستان میں تعلیمی ادارے 25 ستمبر سے کھولنے کا فیصلہ

گلگت بلتستان میں تعلیمی ادارے 25 ستمبر سے کھولنے کا فیصلہ
اسلام ٹائمز۔ گلگت بلتستان میں تعلیمی ادارے 25 ستمبر سے کھولنے کا فیصلہ کر لیا گیا۔ نگران وزیر تعلیم عبدالجہاں نے کہا ہے کہ جی بی میں سرکاری و نجی تعلیمی ادارے ایس او پیز کے تحت پچیس ستمبر سے کھولنے کا فیصلہ کر لیا گیا ہے۔ غذر میں میڈیا سے بات چیت کرتے ہوئے انہوں نے کہا کہ غذر چترال روڑ کی تعمیر کے لئے این ایچ اے کے ذمہ داوں نے یقین دہانی کرائی ہے، امید ہے کہ منصوبے کا پی سی ون تیار ہو کر وزیر اعظم پاکستان کے پاس جائے گا۔ روڑ کا پی سی ون بنائے بغیر پی ایس ڈی پی میں پیش کیا گیا تھا جہاں تکنیکی وجوہات کی بنائ پر اس پراجیکٹ کو پی ایس ڈی پی سے نکال باہر کیا گیا ہے تاہم نگران حکومت نے این ایچ اے اور دیگر ذمہ دار اداروں سے رابطہ کر لیا ہے، یقین ہے کہ میگا منصوبے کی اگلے سال تک منظوری مل جائے گی۔ ان کا کہنا تھا کہ سیپ اساتذہ کے ٹیسٹ اور ویریفیکیشن کا سلسلہ جاری ہے، جن اضلاع میں یہ مرحلہ مکمل ہو جائے گا وہاں آرڈرز جاری کر دئیے جائیں گے۔ محکمہ ورکس میں ترقیاتی سکیموں کی بروقت اور معیاری تعمیر کے لیے بھی اقدامات اٹھائے گئے ہیں۔
خبر کا کوڈ : 880975
رائے ارسال کرنا
آپ کا نام

آپکا ایمیل ایڈریس
آپکی رائے

ہماری پیشکش