یکم محرم الحرام 21 اگست اور یومِ عاشور 30 اگست کو ہونے کا امکان

اسلام ٹائمز۔ پاکستان میں نئے اسلامی سال 1442 ہجری کا آغاز جمعہ 21 اگست کو ہونے کا امکان ہے۔ رپورٹ کے مطابق پاکستان میں نئے اسلامی سال 1442 ہجری کا آغاز جمعہ 21 اگست کو ہونے کا امکان ہے جبکہ یوم عاشور 30 اگست کو ہوگا۔ محرم الحرام کے چاند  کی رویت کے حوالے سے مرکزی رویت ہلال کمیٹی کا اجلاس جمعرات 20 اگست کو ہوگا۔

محرم الحرام 1442 ہجری کا چاند دیکھنے کیلئے زونل رویت ہلال کمیٹیوں کے اجلاس بھی 20 اگست جمعرات کو ہوں گے۔ وزارت سائنس و ٹیکنالوجی کی ویب سائٹ پر دستیاب ریکارڈ کے مطابق پاکستان میں یکم محرم الحرام 21 اگست کو ہوگی جبکہ یوم عاشور یعنی 10 محرم الحرام 30 اگست کو ہوگا۔