اسلام ٹائمز۔ آستانہ عالیہ منورہ آباد شریف کے سجادہ نشین پر قاتلانہ حملے کیخلاف لاہور میں فیروز پور روڈ پر احتجاجی مظاہرہ کیا گیا۔ مظاہرین نے سڑک بلاک کر کے نعرے بازی کی۔ مظاہرین کا کہنا تھا کہ آستانہ عالیہ منورہ آباد شریف کے سجادہ نشین پر محمد افضل نامی شخص نے چھری کے وار سے قاتلانہ حملہ کیا، جس سے سجادہ نشین پیر محمد عمران شدید زخمی ہو گئے۔ مظاہرین کے مطابق اندراج مقدمہ کے باجود پولیس نے تاحال ملزم کو گرفتار نہیں کیا۔ مظاہرین نے مطالبہ کیا ہے کہ ملزم کو فوری گرفتار کرکے انہیں انصاف فراہم کیا جائے۔