پیارے بھائی سالگرہ مبارک، آپ کی فتح ناگزیر ہے، مضبوط رہیں، مریم نواز کی حمزہ شہباز کو مبارکباد

اسلام ٹائمز۔ پاکستان مسلم لیگ (ن)  کی نائب صدر مریم نواز نے اپنے چچازاد بھائی حمزہ شہباز کو 46 ویں سالگرہ پر مبارک باد دی۔ مریم نواز نے حمزہ شہباز کی سالگرہ پر ٹوئٹ میں ان کے ساتھ اپنی ایک تصویر شیئر کی، جس میں دونوں ہاتھ میں ہاتھ ڈالے عوام کے نعروں کا جواب دے رہے ہیں۔ مریم نواز نے لکھا کہ حمزہ شہباز، آپ مسلم لیگ (ن) اور اس کے نظریات سے وابستگی کی قیمت ادا کر رہے ہیں، آپ حقیقتاً اپنے نام حمزہ کے لائق ہیں، پیارے بھائی سالگرہ مبارک، آپ کی فتح ناگزیر ہے، مضبوط رہیں۔ انہوں نے کہا کہ آپ کو ایک سال سے اپنی فیملی خصوصاً پیاری بیٹی سماویہ سے دور اور قید تنہائی کی تکالیف جھیلتے ہوئے دیکھ کر اذیت ہوتی ہے۔ خیال رہے کہ پنجاب اسمبلی میں اپوزیشن لیڈر حمزہ شہباز شریف جیل میں قید ہیں۔