0
Sunday 13 Sep 2020 18:20
منڈی بہاوالدین میں شیعہ عزادار علمدار حسین کی ٹارگٹ کلنگ تشویشناک ہے

تکفیریوں کو بے لگام چھوڑا گیا تو 70 ہزار قربانیاں رائیگاں چلی جائیں گی، علامہ اسدی

تکفیریوں کو بے لگام چھوڑا گیا تو 70 ہزار قربانیاں رائیگاں چلی جائیں گی، علامہ اسدی
اسلام ٹائمز۔ مجلس وحدت مسلمین پنجاب کے سیکرٹری جنرل علامہ عبدالخالق اسدی نے منڈی بہاوالدین میں شیعہ عزادار علمدار حسین کی ٹارگٹ کلنگ پر گہرے غم و غصے کا اظہار کرتے ہوئے اسے انتشار پیدا کرنے کی منظم سازش قرار دیا ہے۔ منڈی بہاوالدین میں شہید علمدار حسین کی نماز جنازہ کے بعد خصوصی گفتگو میں انہوں نے کہا کہ ملک میں بڑھتی ہوئی فرقہ واریت انتظامی اداروں کی ناکامی کو ظاہر کرتی ہے، تکفیریت نے ملک کو فرقہ واریت کی آگ میں جھونکنے کیلئے ایک بار پھر کمر کس لی ہے، اگر کالعدم جماعتوں کو اسی طرح بے لگام چھوڑ دیا گیا تو دہشت گردی کے عفریت سے نجات دلانے کیلئے دی گئی ستر ہزار سے زائد قربانیاں رائیگاں چلی جائیں گی۔

انہوں نے کہا کہ تاریخ شاہد ہے کہ شیعہ نسل کشی سے شروع ہونیوالی دہشتگردی نے اس ملک میں ریاستی اداروں، سکولوں اور عبادت گاہوں پر حملے کرکے ہزاروں بے گناہ اور معصوم افراد کے خون سے ہولی کھیلی، اگر اس انتہاء پسندی کو اس کے آغاز سے نہ روکا گیا تو اس کے بھیانک نتائج پوری قوم کو بھگتنا پڑیں گے۔ انہوں نے کہا کہ تکفیریت کا پرچار اور کالعدم جماعتوں کے سرکردہ افراد کی طرف سے دی جانیوالی ترغیب ہی ٹارگٹ کلنگ کا اصل محرک ہے، اسے روکنے کیلئے قانون نافذ کرنیوالے اداروں کو موثر اقدامات کرنا ہوں گے۔ انہوں نے علمدار حسین کے قاتلوں کی فوری گرفتاری اور قانون کے مطابق سخت ترین سزا کا مطالبہ کیا ہے۔
خبر کا کوڈ : 886007
رائے ارسال کرنا
آپ کا نام

آپکا ایمیل ایڈریس
آپکی رائے

منتخب
ہماری پیشکش