QR Code

پاکستان میں فرقہ واریت کا بیج بونے والے دشمن کے آلہ کار ہیں

فرقہ وارانہ فضا کا مقصد فلسطین کاز سے توجہ ہٹانا ہے، عارف الجانی

13 Sep 2020 01:04

علماء و ذاکرین کانفرنس سے خطاب میں مرکزی صدر آئی ایس او کا کہنا تھا کہ پاکستانی ملت جو ہمیشہ ملت فلسطین کے ساتھ کھڑی ہے اور کھڑی رہے گی، یہ ملت یو اے ای اور بحرین کی جانب سے اسرائیل کے ساتھ اٹھائے جانے والے اقدامات کی شدید مذمت کرتی ہے۔

اسلام ٹائمز۔ امامیہ اسٹوڈنٹس آرگنائزیشن پاکستان کے مرکزی صدر عارف الجانی نے کہا ہے کہ پاکستان میں نئی فرقہ وارانہ فضاء عرب ممالک کے خائن حکمرانوں کے گماشتے پیدا کر رہے ہیں، جس کا مقصد پاکستان کے باشعور لوگوں کو داخلی الجھاو کا شکار کرکے فلسطین کاز سے ہونے والی خیانت سے پردہ پوشی کرانا ہے، پاکستانی ملت جو ہمیشہ ملت فلسطین کے ساتھ کھڑی ہے اور کھڑی رہے گی، یہ ملت یو اے ای اور بحرین کی جانب سے اسرائیل کے ساتھ اٹھائے جانے والے اقدامات کی شدید مذمت کرتی ہے اور اسے فلسطینیوں کی پیٹھ میں چھرا گھونپنے کے مترادف سمجھتی ہے۔ ہم واضح کرنا چاہتے ہیں کہ نہ پہلے کسی خوف کی وجہ سے فلسطین کاز سے ہٹے تھے، نہ اب ہٹیں گے۔ ملت تشیع اپنے مراجع عظام کے فتاویٰ پر عمل کرتی ہے، جو لوگ پاکستان میں فرقہ واریت کا بیج بو رہے ہیں، وہ دشمن کے آلہ کار ہیں۔

خبر کا کوڈ: 886016