0
Thursday 17 Sep 2020 16:49

مقبوضہ کشمیر، محرم الحرام میں عزادار تشدد کا شکار ہوئے، ایڈوکیٹ منتظر مہدی

مقبوضہ کشمیر، محرم الحرام میں عزادار تشدد کا شکار ہوئے، ایڈوکیٹ منتظر مہدی
اسلام ٹائمز۔ جموں و کشمیر انجمن شرعی شیعیان کے لیڈر ایڈوکیٹ آغا سید منتظر مہدی نے دہلی میں نیشنل ہیومن رائٹس کمیشن کے کئی ذمہ داروں سے ملاقات کی۔ ایڈوکیٹ منتظر مہدی نے محرم الحرام کے دوران وادی کشمیر کے اطراف و اکناف میں عزاداری کے جلوسوں پر طاقت کے بے تحاشا استعمال سے پیدا شدہ صورتحال سے کمیشن کو آگاہ کیا۔ انہوں نے کمیشن کو بتایا کہ محرم الحرام کے جلوسوں کے ساتھ لوگوں کی بے پناہ عقیدت اور جوانوں کے گہرے جذبات وابستہ ہوتے ہیں۔

سید منتظر مہدی نے کمیشن سے مطالبہ کیا کہ وہ جموں کشمیر کی انتظامیہ کو اس معاملے میں ہدایات جاری کریں کہ گرفتار شدہ عزاداروں کو فوری طور پر رہا کریں اور ان کے خلاف درج معاملات کو خارج کیا جائے۔ انہوں نے کمیشن سے اپیل کی کہ جو عزادار بینائی سے محروم ہوگئے ہیں، انہیں انسانی بنیادوں پر علاج و معالجہ کے لئے معاونت فراہم کی جائے۔ کمیشن نے آغا منتظر کو یقین دلایا کہ اس معاملے کا سنجیدہ نوٹس لیا جائے گا۔
خبر کا کوڈ : 886792
رائے ارسال کرنا
آپ کا نام

آپکا ایمیل ایڈریس
آپکی رائے

ہماری پیشکش