اسلام ٹائمز - ثابت ہوا ہے کہ سانحہ بلدیہ ٹاؤن کیس سے ایم کیو ایم کا تعلق نہیں تھا، ترجمان

ثابت ہوا ہے کہ سانحہ بلدیہ ٹاؤن کیس سے ایم کیو ایم کا تعلق نہیں تھا، ترجمان

کراچی کی انسدادِ دہشت گردی کی عدالت کی جانب سے آج سانحہ بلدیہ ٹاؤن کیس کا فیصلہ سنائے جانے کے حوالے سے ایم کیو ایم پاکستان کے ترجمان نے ایک بیان کے ذریعے کہا کہ سانحہ بلدیہ کے لواحقین سے ہمدردی ہے، متاثرین کو 8 برس تک فیصلے کا انتظار کرنا پڑا۔

اسلام ٹائمز۔ متحدہ قومی موومنٹ پاکستان کے ترجمان کا کہنا ہے کہ رؤف صدیقی کی بریت سے ثابت ہوتا ہے کہ سانحہ بلدیہ ٹاؤن کیس سے ایم کیو ایم کا تعلق نہیں تھا۔ کراچی کی انسدادِ دہشت گردی کی عدالت کی جانب سے آج سانحہ بلدیہ ٹاؤن کیس کا فیصلہ سنائے جانے کے حوالے سے ایم کیو ایم پاکستان کے ترجمان نے ایک بیان کے ذریعے اپنے ردِ عمل کا اظہار کیا ہے۔

ترجمان ایم کیو ایم پاکستان کا کہنا ہے کہ رؤف صدیقی کی بریت سے ثابت ہوتا ہے کہ کیس سے ایم کیو ایم کا تعلق نہیں تھا۔ ایم کیو ایم پاکستان کے ترجمان کا کہنا ہے کہ سانحہ بلدیہ کے لواحقین سے ہمدردی ہے، متاثرین کو 8 برس تک فیصلے کا انتظار کرنا پڑا۔