QR Code
ہم بچوں کی صحت پر کوئی سمجھوتہ نہیں کرینگے، وزیر تعلیم سندھ
25 Sep 2020 11:34
سعید غنی نے اسکول کے منتظمین کو مکمل ایس او پیز کے نفاذ کو یقینی بنانے کی ہدایت دیتے ہوئے کہا کہ 28 ستمبر کو جب تمام کلاسز کا آغاز ہوگا، اس وقت کے حوالے سے تمام تیاریاں مکمل کی جائیں۔
اسلام ٹائمز۔ وزیر تعلیم سندھ سعید غنی کا کہنا ہے کہ ہم بچوں کی صحت پر کسی قسم کا سمجھوتہ نہیں کریں گے۔ تفصیلات کے مطابق وزیر تعلیم سندھ سعید غنی شہر کے مختلف نجی اور سرکاری تعلیمی اداروں کے اچانک دورے پر پہنچے۔ صوبائی وزیر نے ان اسکول کے منتظمین کو مکمل ایس او پیز کے نفاذ کو یقینی بنانے کی ہدایت دیتے ہوئے کہا کہ 28 ستمبر کو جب تمام کلاسز کا آغاز ہوگا، اس وقت کے حوالے سے تمام تیاریاں مکمل کی جائیں، اگر بچے زیادہ ہوں تو کلاسز کو شفٹوں یا متبادل دنوں میں لی جائیں۔ سعید غنی نے کہا کہ یہ بات واضح ہے کہ ایس اوپیز کی خلاف ورزی کسی صورت برداشت نہیں کی جائے گی اور ہم بچوں کی صحت پر کسی قسم کا سمجھوتہ نہیں کریں گے۔
خبر کا کوڈ: 888298