خیبر پختونخوا حکومت کا آج سے تمام پرائمری اسکولز کھولنے کا اعلان

اسلام ٹائمز۔ خیبر پختونخوا حکومت نے بھی آج سے تمام پرائمری اسکولز کھولنے کا باقاعدہ طور پر اعلان کردیا ہے۔ صوبائی وزیر تعلیم شہرام خان ترکئی کا اس حوالے سے کہنا تھا کہ این سی او سی کے فیصلے کے مطابق آج سے خیبر پختونخوا کے تمام پرائمری سکولز کھول رہے ہیں۔ تمام سکولز میں ایس او پیز کو سختی سے مانیٹر کیا جائے گا، والدین بھی ایس او پیز پر عملدرآمد کے لیے تعاون کریں۔ شہرام ترکئی نے مزید کہا کہ میں تمام بچوں کو سکولز کی واپسی پر خوش آمدید کہتا ہوں۔