QR Code

پیپلز پارٹی نے پاکستان کو دولخت کیا اور اب سندھودیش کیلئے کام کررہی ہے، عامر خان

4 Oct 2020 20:56

حقوق حیدرآباد مارچ سے خطاب کرتے ہوئے سینئر کنوینر ایم کیو ایم پاکستان نے کہا کہ کیا پیپلز پارٹی کو ایک مہاجر ملا جسے ایڈمنسٹریٹر لگایا ہو؟ ایم کیو ایم متحد رہے گی آنے والا الیکشن بتائے گا، ایسا کرارا جواب دیں گے کہ تمہارا الیکشن میں کھڑا ہونا بھی محال ہوجائے گا۔

اسلام ٹائمز۔ متحدہ قومی موومنٹ پاکستان کے سینئر ڈپٹی کنوینر عامر خان نے کہا کہ پیپلز پارٹی نے پاکستان کو دولخت کیا، پیپلز پارٹی سندھو دیش کے لئے کام کررہی ہے، تمہارے حلق سے صوبہ نکال کر رہیں گے۔ حقوق حیدرآباد مارچ سے خطاب کرتے ہوئے عامر خان نے کہا کہ حیدرآباد کے لوگوں کو ایم کیو ایم کا ساتھ چھوڑنے کے لئے ڈرایا دھمکایا گیا، حیدرآباد میں ہمارے لوگوں کی 250 لاشیں گرا دی گئیں، دھمکیاں دی گئیں لاشیں گرجائیں گی حیدرآباد یونیورسٹی نہیں بنے گی۔

انہوں نے کہا کہ سندھ کے عوام کو وڈیروں، جاگیرداروں نے غلام بنا رکھا ہے، پیپلز پارٹی حکومت کو کرپشن کے بغیر کھانا ہضم نہیں ہوتا، ان کے ہوتے ہوئے سندھ ترقی نہیں کرسکتا۔ ایم کیو ایم پاکستان کے رہنما نے کہا کہ کیا پیپلز پارٹی کو ایک مہاجر ملا جسے ایڈمنسٹریٹر لگایا ہو؟ ایم کیو ایم متحد رہے گی آنے والا الیکشن بتائے گا، ایسا کرارا جواب دیں گے کہ تمہارا الیکشن میں کھڑا ہونا بھی محال ہوجائے گا۔

خبر کا کوڈ: 890131