اسلام ٹائمز۔ بھارت میں کورونا وائرس کے کیسز 71 لاکھ سے تجاوز کر چکے ہیں تاہم شفایاب ہونے والے مریضوں کی تعداد نئے کیسز کے مقابلے میں روزانہ بڑھ رہے ہیں اور اب تک 61 لاکھ سے زیادہ مریض جان لیوا وباء کو شکست دے چکے ہیں۔ بھارتی وزارت صحت و خاندانی بہبود کی جانب سے پیر کے روز جاری تازہ ترین اعداد و شمار کے مطابق ملک میں گذشتہ 24 گھنٹوں کے دوران 77559 کورونا مریض شفایاب ہوئے ہیں جس سے صحتمند ہونے والے مریضوں کی مجموعی تعداد 6149535 ہوچکی ہے۔ اسی مدت میں مزید 66732 نئے مریضوں کے رپورٹ ہونے کے بعد متاثرین کی مجموعی تعداد 7120538 ہوگئی ہے۔