QR Code

جو بھی پاکستان کے آئین کی بالادستی کو تسلیم نہیں کرتا وہ غدار ہے، محمود خان اچکزئی

17 Oct 2020 22:01

گوجرانوالہ میں جلسے سے خطاب کرتے ہوئے پختونخوا ملی عوامی پارٹی کے سربراہ نے کہا آج ہم آئین کیلئے نکلے ہیں، اس لیے عوام کا ساتھ چاہیئے، آج عوام کے حالات بہت خراب ہوچکے ہیں، اس دن سے ڈرنا چاہیئے جب لوگ لوٹ مار کرنے لگ جائیں گے۔

اسلام ٹائمز۔ پختونخوا ملی عوامی پارٹی کے سربراہ محمود خان اچکزئی نے کہا ہے کہ نہ ہمارا کسی سے جھگڑا ہے، نہ کسی سے فساد ہے، لیکن جو پاکستانی آئین کی بالا دستی کو تسلیم نہیں کرتا، چاہے وہ جج، جرنیل، جرنلسٹ یا سیاست دان ہو، وہ غدار ہے، اس کے خلاف اٹھ کھڑا ہونا چاہیئے۔ گوجرانوالہ میں جلسے سے خطاب کرتے ہوئے انہوں نے کہا آج ہم آئین کے لیے نکلے ہیں، اس لیے عوام کا ساتھ چاہیئے، آج عوام کے حالات بہت خراب ہوچکے ہیں، اس دن سے ڈرنا چاہیئے، جب لوگ لوٹ مار کرنے لگ جائیں گے۔ محمود اچکزئی نے مزید کہا ہم اس ملک کے مفاد کے لیے نکلے ہیں، ہم دو چیزیں چاہتے ہیں، آئین کی بالادستی اور ووٹ کو عزت دو۔ ان کا کہنا تھا کہ ہمیں کہا گیا ہے کہ اداروں کے خلاف بات نہیں کرنی، ہر ادارے کو ہمارا سلام لیکن ہر ادارے کو آئین کے دائرے میں رہنا ہوگا لیکن جو آئین کی طرف ہاتھ بڑھائے گا، اس ہاتھ کو ہم نے پکڑنا ہے۔
 

خبر کا کوڈ: 892618