اسلام ٹائمز۔ لیہ سے تحریک طالبان پاکستان کے 2 دہشتگرد گرفتار کرلئے گئے۔ ذزائع نے
’’
اسلام ٹائمز‘‘ کو بتایا کہ ضلع لیہ کے علاقہ چوک اعظم سے سی ٹی ڈی کی جانب سے کارروائی کے دوران تحریک طالبان پاکستان سے تعلق رکھنے والے دو دہشت گردوں کو گرفتار کر لیا گیا ہے۔ سی ٹی ڈی کے مطابق گرفتار دہشتگرد فہد اکبر اور محمد ثاقب اہم تنصیبات پر حملہ کرنا چاہتے تھے، دہشت گردوں کے قبضے سے اسلحہ اور بارودی مواد اور ہینڈ گرنیڈ برآمد ہوئے ہیں۔ گرفتار دہشتگردوں کو نامعلوم مقام پر منتقل کردیا گیا ہے۔