QR Code
گلگت بلتستان میں امیدواروں کو انتخابی نشانات الاٹ
22 Oct 2020 09:27
گلگت بلتستان اسمبلی کی 24 میں سے 23 نشستوں کیلئے پولنگ 15 نومبر کو ہوگی، جس کیلئے 330 امیدوار میدان میں اتریں گے۔
اسلام ٹائمز۔ الیکشن کمیشن نے گلگت بلتستان میں انتخابات کے لیے امیدواروں کو نشانات الاٹ کر دیئے، تحریک انصاف بلا، پاکستان پیپلز پارٹی تیر اور مسلم لیگ (ن) شیر کے نشان پر انتخابات میں حصہ لے گی۔ اس کے علاوہ مسلم لیگ (ق) ٹریکٹر، جے یو آئی (ف) کتاب، جماعت اسلامی ترازو اور ایم کیو ایم پاکستان کو پتنگ کا نشان جاری کیا گیا ہے جبکہ دیگر جماعتوں اور آزاد امیدواروں کو بھی نشانات جاری کیے گئے ہیں۔ گلگت بلتستان اسمبلی کی 24 میں سے 23 نشستوں کے لیے پولنگ 15 نومبر کو ہوگی، جس کے لیے 330 امیدوار میدان میں اتریں گے۔
خبر کا کوڈ: 893383