اسلام ٹائمز - انتخاب میں جوبائیڈن سے ہار گیا تو ملک چھوڑ جاؤں گا، ٹرمپ

انتخاب میں جوبائیڈن سے ہار گیا تو ملک چھوڑ جاؤں گا، ٹرمپ

صدر ٹرمپ کہتے ہیں امیدواروں کی آواز بند کرنے کا آپشن غیر منصفانہ ہے انہوں نے میزبان کو متعصب قرار دیدیا۔ ٹرمپ اور جوبائیڈن کا آخری مباحثہ کل ہو گا۔

اسلام ٹائمز۔ امریکا کے صدارتی امیدواروں ڈونلڈ ٹرمپ اور جوبائیڈن کے درمیان آخری مباحثہ کل ہو گا۔ صدر ٹرمپ کہتے ہیں امیدواروں کی آواز بند کرنے کا آپشن غیر منصفانہ ہے انہوں نے میزبان کو متعصب قرار دیدیا۔ دوسری جانب ڈیموکریٹ امیدوار جوبائیڈن کی حمایت میں سابق صدر اوباما نے دھواں دھار خطاب کیا ہے جس میں انہوں نے صدر ٹرمپ کو کڑی تنقید کا نشانہ بنایا ہے۔ دوسری جانب امریکا کے صدر ڈونلڈ ٹرمپ نے کہا ہے کہ اگر انتخاب میں جوبائیڈن سے ہار گیا تو ملک چھوڑ جاؤں گا۔ جارجیا میں اپنے حامیوں سے خطاب میں صدر ٹرمپ نے کہا کہ میرا مقابلہ امریکی صدارتی انتخاب کے بدترین امیدوار جوبائیڈن سے ہے، مجھے اگر جوبائیڈن سے شکست ہوئی تو بالکل بھی اچھا نہیں لگے گا اور میں شاید امریکا چھوڑ جاؤں گا۔ واضح رہے کہ امریکا میں 3نومبر کو صدارتی انتخاب کیلئے ووٹنگ ہو گی، امریکا میں صدر کا انتخاب براہ راست عام ووٹر نہیں کرتے بلکہ یہ کام الیکٹورل کالج کا ہے۔ امریکا کا صدر بننے کے لیے کسی بھی امیدوار کو 538 میں سے 270 یا اس سے زیادہ الیکٹرز کی حمایت درکار ہوتی ہے۔