اسلام ٹائمز۔ جنوبی وزیرستان کی تحصیل لدھا کے علاقے زانگاڑہ میں فورسز نے ٹارگیٹڈ آپریشن کیا ہے، آپریشن کے دوران تحریک طالبان پاکستان کے کمانڈر غالب اور رہبر مارے گئے۔ ذرائع کے مطابق کمانڈر غالب پر حکومت کی جانب سے 10 لاکھ روپے انعام مقرر کیا گیا تھا۔ کمانڈر غالب کا شمار تحریک طالبان پاکستان کے امیر حکیم اللہ محسود کے قریب ترین ساتھیوں میں کیا جاتا تھا۔ کمانڈر غالب پولیس اور سکیورٹی فورسز کو انتہائی اہم مقدمات میں مطلوب تھا۔