اسلام ٹائمز۔ بلتستان یونیورسٹی کے تعمیراتی کاموں کا باقاعدہ آغاز ہوگیا۔ مرکزی جامع مسجد سکردو کے پیش امام شیخ محمد حسن جعفری نے منصوبے کا سنگ بنیاد رکھا اور اس موقع پر انہوں نے پراجیکٹ کی کامیابی اور یونیورسٹی کی ترقی کیلئے خصوصی دعا بھی کی۔ افتتاحی تقریب میں بلتستان یونیورسٹی کے اساتذہ اور انتظامی افسران موجود تھے۔ اس موقع پر ایک پیغام میں وائس چانسلر ڈاکٹر محمد نعیم کا کہنا تھا کہ تعمیراتی کاموں کا آغاز سب کی اجتماعی کوششوں کا نتیجہ ہے۔ انہوں نے توقع ظاہر کی کہ بہت جلد بلتستان یونیورسٹی ملک کی دیگر جامعات کے برابر مقام حاصل کر لے گی۔