مسلم لیگ نون کسی بھی قیمت پر اپنے بنیادی نصب العین سے پیچھے نہیں ہٹے گی، اعلامیہ

اعلامیے میں کہا گیا ہے کہ سلیکٹڈ حکومت کے پاؤں اکھڑ چکے ہیں، بھارتی میڈیا کے زیر اثر غداری کے اوچھے بیانیے کا پرچار شکست خوردگی کی علامت ہے اور ایسے ہتھکنڈے عوام کی توجہ مہنگائی اور حکومتی کرپشن کوچھپانےکی ناکام کوشش ہے۔ اجلاس میں فیصلہ کیا گیا کہ خیبرپختونخوا میں پاکستان ڈیموکریٹک موومنٹ (پی ڈی ایم) کے جلسوں کے لیے کارکنان کو فعال کیا جائے گا اور مسلم لیگ نون مستقبل میں مزید قوت سے اپنا کردار ادا کرے گی۔ اعلامیے کے مطابق مسلم لیگ نون کسی بھی قیمت پر اپنے بنیادی نصب العین سے پیچھے نہیں ہٹے گی۔ اجلاس میں پارٹی صدر شہبازشریف اور حمزہ شہباز کو جیل میں قانونی سہولیات نہ دینے کے لیے وزیراعظم عمران خان کی آئی جی جیل خانہ جات کو دھمکی کی بھی مذمت کی گئی۔