اسلام ٹائمز۔ گلگت بلتستان انتخابات کی تاریخ نزدیک آتے ہی وفاقی جماعتوں نے پورا زور لگانا شروع کر دیا۔ وزیراعظم عمران خان جو کہ پی ٹی آئی کے چیئرمین بھی ہیں، انہوں نے معاون خصوصی زلفی بخاری کو انتخابی مہم کے انتظامات سنبھالنے اور سیاسی امور میں شمولیت کیلئے گلگت بلتستان روانہ کر دیا۔ زلفی بخاری جی بی الیکشن مہم کے امور دیکھیں گے اور مزید لائحہ عمل بھی مرتب کرینگے۔ دوسری جانب پی ٹی آئی کے کئی اور وزیر بھی جی بی پہنچ چکے ہیں جبکہ نون لیگ کی مریم نواز کے ہمراہ مرکزی رہنمائوں پرویز رشید، محمد زبیر و دیگر بھی جی بی میں موجود ہیں۔