اپوزیشن جلسہ کرتی ہے تو حکومت کورونا وائرس سے ڈراتی ہے، احسن اقبال

اسلام ٹائمز۔ مسلم لیگ نواز کے رہنما احسن اقبال کہتے ہیں کہ جب اپوزیشن کے جلسے کی تاریخ قریب آتی ہے تو حکومت کورونا وائرس سے ڈرانے لگتی ہے۔ مسلم لیگ نواز کے رہنما احسن اقبال نے میڈیا سے گفتگو کرتے ہوئے کہا کہ اجتماعات کھلے مقامات پر ہی ہوتے ہیں۔ انہوں نے یہ بھی کہا کہ حکومت خود بھی جلسے کر رہی ہے، اگر صورتِ حال اتنی ہی سنگین ہوتی تو حکومت خود بھی اجتناب کرتی۔