0
Wednesday 18 Nov 2020 11:59

انڈین طیارے کی کراچی ایئرپورٹ پر ہنگامی لینڈنگ

انڈین طیارے کی کراچی ایئرپورٹ پر ہنگامی لینڈنگ
اسلام ٹائمز۔ پاکستانی حکام کے مطابق ایک انڈین طیارے نے ایک مسافر کی طبیعت خراب ہونے پر کراچی کے جناح ایئر پورٹ پر ایمرجنسی لینڈنگ کی ہے۔ منگل کی شب پاکستان ایوی ایشن کی ویب سائٹ پر جاری تفصیلات میں بتایا گیا ہے نجی کمپنی گو ایئر کا طیارہ 197 مسافروں کو ریاض سے دہلی لے جا رہا تھا۔ دوران پرواز ایک مسافر کی طبیعت خراب ہوئی اور فلائٹ G8- 6658A کے پائلٹ نے کراچی ایئر پورٹ پر ایمرجنسی لینڈنگ کا فیصلہ کیا۔ پاکستان ایوی ایشن نے ائیرپورٹ ذرائع کے حوالے سے بتایا ہے کہ 30 سالہ مسافر محمد نوشاد کو دوران پرواز دل کا دورہ پڑا اور ایئر ٹریفک کنٹرول نے ایئر پورٹ پر موجود ڈاکٹر کو بلایا۔ معائنے کے بعد ڈاکٹر نے ان کی ہلاکت کی تصدیق کی تاہم بتایا گیا ہے کہ مسافر کی ہلاکت لینڈنگ سے قبل ہی ہو چکی تھی۔ بعد ازاں طیارہ فیول بھروانے کے بعد دہلی روانہ ہو گیا۔
خبر کا کوڈ : 898486
رائے ارسال کرنا
آپ کا نام

آپکا ایمیل ایڈریس
آپکی رائے

منتخب
ہماری پیشکش