QR Code

پنجاب، پولیس اور بلوچ لیویز میں بھرتیوں کی منظوری

21 Nov 2020 10:21

پنجاب کے وزیرِاعلیٰ سردار عثمان بزدار کا یہ بھی کہنا ہے کہ بلوچ لیویز میں بھرتیوں سے راجن پور اور ڈی جی خان میں امن و امان میں بہتری آئے گی۔

اسلام ٹائمز۔ پنجاب کے وزیرِاعلیٰ سردار عثمان بزدار نے پولیس اور بلوچ لیویز میں بھرتیوں کی منظوری دے دی۔ اس حوالے سے جاری کیئے گئے ایک بیان میں وزیرِ اعلیٰ پنجاب سردار عثمان بزدار نے کہا ہے کہ پنجاب پولیس میں مزید10 ہزار 300 کانسٹیبل بھرتی کیے جائیں گے۔ انہوں نے مزید کہا ہے کہ بلوچ لیویز میں 378 بھرتیاں ہوں گی، بھرتیاں میرٹ پر ہوں گی، امن عامہ کی صورتِ حال بہتر بنانے کے لیے ان بھرتیوں کی منظوری دی ہے۔ پنجاب کے وزیرِاعلیٰ سردار عثمان بزدار کا یہ بھی کہنا ہے کہ بلوچ لیویز میں بھرتیوں سے راجن پور اور ڈی جی خان میں امن و امان میں بہتری آئے گی۔

خبر کا کوڈ: 899046