0
Sunday 22 Nov 2020 18:16

وفاق المدارس الشیعہ کے ضمنی امتحانات کل 23 نومبر سے شروع ہوں گے

وفاق المدارس الشیعہ کے ضمنی امتحانات کل 23 نومبر سے شروع ہوں گے
اسلام ٹائمز۔ وفاق المدارس الشیعہ پاکستان کے زیراہتمام طلبا و طالبات کے ضمنی امتحانات کل بروز پیر (23 نومبر) سے شروع ہو رہے ہیں۔ یہ امتحانات تین دن تک جاری رہیں گے۔ الثانویة العامہ میٹرک، الثانویة الخاصہ ایف اے، الشہادة العالیہ بی اے اور الشہادة العالمیہ ایم اے کے امتحانات کیلئے روزانہ دو پرچے لئے جائیں گے۔ ہر پرچہ تین گھنٹے کا ہوگا۔ پہلا پرچہ 9 بجے صبح اور دوسرا 2 بجے دوپہر شروع ہوگا۔ ناظم امتحانات وفاق المدارس الشیعہ کی طرف سے جاری کردہ ڈیٹ شیٹ کے مطابق قرآن، حدیث، تفسیر، اخلاق، منطق، فلسفہ، سیرت، لغت، تاریخ، فقہ، صرف، نحو، اصول الفقہ، عقائد، ادب اور تجوید و قرات، حفظ قرآن اور پیش نماز کے زبانی امتحانات طے شدہ اوقات کے مطابق منعقد ہوں گے۔ تمام امیدواروں کو رول نمبر سلپس جاری کر دی گئی ہیں۔ امتحانات 26 نومبر تک جاری رہیں گے۔ امیدواروں کو کورونا ایس او پیز پر خصوصی عملدرآمد کی بھی ہدایت کی گئی ہے۔  
 
خبر کا کوڈ : 899273
رائے ارسال کرنا
آپ کا نام

آپکا ایمیل ایڈریس
آپکی رائے

ہماری پیشکش