اسلام ٹائمز۔ پاکستان یپیلز پارٹی کے چیئرمین بلاول بھٹو کا ذاتی اور سیکیورٹی اسٹاف بھی کورونا وائرس کا شکار ہوگیا۔ تفصیلات کے مطابق چیئرمین پی پی پی بلاول بھٹو زرداری کے ذاتی اور سیکیورٹی اسٹاف کے پانچ اراکین بھی کورونا وائرس کا شکار ہوگئے۔ بلاول بھٹو زرداریکے ساتھ گلگت بلتستان جانے والے عملے کے بعض ارکان کو علامات ہیں، کراچی میں عارضی طور پر بلاول ہاؤس آنے والوں کی انٹری بند کر دی گئی، بلاول ہاؤس کے 2 ڈرائیورز کا بھی کورونا ٹیسٹ مثبت آیا ہے۔ واضح رہے کہ بلاول بھٹو زرداری بھی کورونا کا شکار ہوگئے، خود کو قرنطینہ کر لیا ہے، پیپلز پارٹی کے یوم تاسیس پر جلسے سے بھی ویڈیو لنک خطاب کرینگے، کل بروز جمعہ ہونے والی بختاور بھٹو زرداری کی منگنی میں بھی شرکت نہیں کر سکیں گے۔