1
Friday 27 Nov 2020 01:53

مزید 3306 افراد کورونا کا شکار، فعال مریضوں کی تعداد 43963 ہوگئی

مزید 3306 افراد کورونا کا شکار، فعال مریضوں کی تعداد 43963 ہوگئی
اسلام ٹائمز۔ ملک میں مسلسل دوسرے روز بھی 3 ہزار سے زائد افراد میں کورونا کی تشخیص ہوئی ہے، جس کے بعد اس وبا کے مصدقہ فعال کیسز کی تعداد 43 ہزار 963 تک جاپہنچی ہے۔ نیشنل کمانڈ اینڈ آپریشن سینٹر (این سی او سی) کے جاری کردہ اعداد و شمار کے مطابق گزشتہ 24 گھنٹوں میں ملک بھر میں کورونا کے 45 ہزار 999 ٹیسٹ کئے گئے۔ جس کے بعد ملک میں کئے گئے کوویڈ 19 ٹیسٹس کی مجموعی تعداد 53 لاکھ 43 ہزار 702 ہوگئی ہے۔ گزشتہ 24 گھنٹوں میں 3 ہزار 306 افراد میں کورونا کی تشخیص ہوئی ہے، جس کے بعد ملک بھر میں اس وبا کا شکار مریضوں کی تعداد 3 لاکھ 86 ہزار 198 تک جاپہنچی ہے۔

این سی او سی کے مطابق سندھ میں مصدقہ مریضوں کی تعداد ایک لاکھ 67 ہزار 381، پنجاب میں ایک لاکھ 16 ہزار 506، خیبر پختونخوا میں 45 ہزار 828، بلوچستان میں 16 ہزار 942، اسلام آباد میں 28 ہزار 555، آزاد کشمیر میں 6403 اور گلگت بلتستان میں 4583 ہے۔ گزشتہ روز ایک ہزار 418 مریضوں نے اس وائرس کو شکست دی ہے ، جس کے بعد ملک میں اس وبا سے جیتنے والوں کی تعداد بڑھ کر 3 لاکھ 34 ہزار 392 ہوگئی ہے۔سرکاری اعداد و شمار کے مطابق گزشتہ 24 گھنٹوں کے دوران کورونا نے مزید 40 افراد کی جان لے لی۔ جس کے بعد ملک میں اس وبا سے جاں بحق افراد کی تعداد 7843 ہوگئی ہے۔ 43 ہزار 963 ہوئی ہے جن میں سے ایک ہزار 968 کی حالت انتہائی تشویشناک ہے۔
خبر کا کوڈ : 900204
رائے ارسال کرنا
آپ کا نام

آپکا ایمیل ایڈریس
آپکی رائے

منتخب
ہماری پیشکش