خیبر پختونخوا کابینہ کا اجلاس آج ہو رہا ہے

اسلام ٹائمز۔ خیبر پختونخوا کابینہ کا اجلاس آج وزیراعلٰی محمود خان کی سربراہی میں ہوگا، صوبے میں بلدیاتی انتخابات آج ایجنڈا میں موضوع ہوگا۔ صوبے کے 7 ڈویژنل ہیڈکوارٹرز میں سٹی لوکل گورنمنٹ کا قیام بھی ایجنڈے میں شامل ہے۔ کابینہ اجلاس میں خیبر پختونخوا لوکل گورنمنٹ ایکٹ میں ترامیم کی منظوری لی جاے گی، جبکہ خالی نشستوں پر ضمنی انتخابات بھی ایجنڈے کا حصہ ہیں۔ خیبر پختونخوا کابینہ کا اجلاس کل ہونا تھا جو کہ ناگزیر وجوہات کی بنا پر منسوخ کر دیا گیا تھا۔