QR Code
فلسطین، صیہونی آباد کار نے 2 فلسطینی بچوں اور 1 خاتون کو گاڑی تلے روند ڈالا
29 Nov 2020 19:02
عربی ای مجلے "عرب-48" کیمطابق شہر الخلیل میں واقع مسجد ابراہیمی کے سامنے ایک صیہونی آباد کار نے اپنی گاڑی کو فلسطینی شہریوں پر چڑھا دیا جسکے تلے آ کر وہاں موجود 2 فلسطینی بچے اور 1 خاتون کچلی گئی تاہم زخمیوں کی حالت خطرے سے باہر ہے۔
اسلام ٹائمز۔ فلسطین میں غاصب صیہونی آباد کاروں کی جانب سے فلسطینی بچوں و خواتین کے خلاف جرائم کا سلسلہ جاری ہے۔ تفصیلات کے مطابق غاصب صیہونی آبادکاروں کی جانب سے انجام پانے والی جدید مجرمانہ کارروائی میں 2 بچوں سمیت 1 فلسطینی خاتون کو گاڑی تلے کچل کر زخمی کر دیا گیا ہے۔ عربی ای مجلے "عرب-48" کے مطابق شہر الخلیل میں واقع مسجد ابراہیمی کے سامنے ایک صیہونی آباد کار نے اپنی گاڑی کو فلسطینی شہریوں پر چڑھا دیا جس کے تلے آ کر وہاں موجود 2 فلسطینی بچے اور 1 خاتون کچلی گئی ہے تاہم فلسطینی ہلال احمر کا کہنا ہے کہ زخمیوں کو فی الفور ہسپتال منتقل کر دیا گیا تھا جہاں ان کی حالت خطرے سے باہر ہے۔ واضح رہے کہ 4 روز قبل صوبہ الخلیل کے شہر خرسا میں بھی غاصب صیہونی آباد کار نے 1 فلسطینی نوجوان کو اپنی گاڑی تلے کچل دیا تھا جبکہ جاری ماہ کے دوران غاصب صیہونی آبادکاروں کی جانب سے فلسطینی شہریوں پر حملے کا یہ 17واں واقعہ ہے۔
خبر کا کوڈ: 900688