اسلام ٹائمز۔ جنوبی وزیرستان کی تحصیل لدھا میں بارودی سرنگ کا دھماکہ ہوا ہے، جس کے نتیجے میں ایف سی کا ایک اہلکار شدید زخمی ہو گیا ہے۔ تفصیلات کے مطابق جنوبی وزیرستان کی تحصیل لدھا کے علاقے میں فرنٹیئر کانسٹیبلری کی گاڑی کو بارودی سرنگ سے نشانہ بنایا گیا ہے۔ بارودی سرنگ دھماکے کے نتیجے میں ایک اہلکار فضل امین شدید زخمی ہو گیا ہے۔ دھماکہ تنگی گلیشائی کے علاقے میں ہوا ہے، جس کے بعد پولیس نے ملزمان کی گرفتاری کیلئے تحقیقات کا آغاز کر دیا ہے۔