QR Code
ثقلین ظفر آئی ایس او ملتان کے ڈویژنل صدر منتخب، علامہ اقتدار نقوی نے حلف لیا
2 Dec 2020 01:17
کنونشن میں سابقہ مرکزی صدر و رکن مرکزی نظارت یافث نوید ہاشمی نے خصوصی خطاب کیا، نومنتخب ڈویژنل صدر برائے سال 21-2020ء کا اعلان مرکزی ڈپٹی سیکرٹری جنرل مجلس وحدت مسلمین و سابقہ مرکزی صدر آئی ایس او پاکستان ناصر عباس شیرازی نے کیا۔ ایم ڈبلیو ایم جنوبی پنجاب کے سیکرٹری جنرل علامہ اقتدار حسین نقوی نے نومنتخب صدر سے حلف لیا۔
اسلام ٹائمز۔ امامیہ اسٹوڈنٹس آرگنائزیشن پاکستان ملتان ڈویژن کا 44واں سالانہ ڈویژنل کنونشن بعنوان "حمایت مظلومین جہاں و آزادی القدس" امام بارگاہ ابوالفضل العباس چوک کمہاراں والا میں منعقد ہوا، جس میں مجلس بیاد شہداء سے حجت الاسلام والمسلمین آغا نقی ہاشمی نے خطاب کیا، کنونشن میں سابقہ مرکزی صدر و رکن مرکزی نظارت یافث نوید ہاشمی نے خصوصی خطاب کیا۔ نومنتخب ڈویژنل صدر برائے سال 21-2020ء کا اعلان مرکزی ڈپٹی سیکرٹری جنرل مجلس وحدت مسلمین و سابقہ مرکزی صدر آئی ایس او پاکستان ناصر عباس شیرازی نے کیا۔
کنونشن میں علمائے کرام بالخصوص سیکرٹری جنرل مجلس وحدت مسلمین جنوبی پنجاب علامہ اقتدار حسین نقوی، علامہ غضنفر حیدری، مولانا عظیم حر نجفی، مولانا کاشف حیدری، مولانا وسیم عباس معصومی، سابق مرکزی صدر تہور حیدری، سابق ڈویژنل صدر فرخ مہدی، عابس رضا سیال سمیت دیگر علمائے کرام، سابقہ ڈویژنل صدور، سینیئر برادران، موجودین و جملہ شرکاء کرام نے شرکت کی، کنونشن میں بیاد شہداء و مردہ باد امریکہ و اسرئیل کے حوالے سے ماحول سازی بھی کی گئی۔ کنونشن کے دوسرے روز مجلس عمومی نے انتخاب کے ذریعے ثقلین ظفر کو آئندہ سال کے لیے ڈویژنل صدر منتخب کیا۔ ایم ڈبلیو ایم جنوبی پنجاب کے سیکرٹری جنرل علامہ اقتدار حسین نقوی نے نومنتخب صدر سے حلف لیا۔
خبر کا کوڈ: 901144