اسلام ٹائم۔ گلگت بلتستان کی حکومت نے نجی سکولوں اور کالجز کو تعلیمی سرگرمیاں فوری بند کرنے کا حکم دیا ہے۔ ڈپٹی سیکریٹری اکیڈمکس کی جانب سے جاری ایک مراسلے میں تنبیہ کی گئی ہے کہ بعض نجی سکول اور کالجز حکومتی احکامات کے بائوجود تعلیمی سرگرمیاں جاری رکھے ہوئے ہیں جو کرونا وائرس کے پھیلائو کا سبب بن سکتے ہیں۔ مراسلے میں کہا گیا ہے کہ تعلیمی سرگرمیوں کو فوری بند نہ کیا گیا تو قانونی کارروائی ہوگی اور ایسے اداروں کی رجسٹریشن منسوخ کر دی جائے گی۔