0
Wednesday 16 Dec 2020 17:50

اے پی ایس شہدا کے خاندان چھٹی برسی پر بھی انصاف کے منتظر ہیں، فاروق ستار

اے پی ایس شہدا کے خاندان چھٹی برسی پر بھی انصاف کے منتظر ہیں، فاروق ستار
اسلام ٹائمز۔ سربراہ تنظیم (ایم کیو ایم پاکستان) بحالی کمیٹی ڈاکٹر فاروق ستار نے سانحہ آرمی پبلک اسکول پشاور اور سقوط ڈھاکہ کے موقع پر خصوصی پیغام دیتے ہوئے کہا کہ سانحہ آرمی پبلک اسکول پشاور کے شہداء کو خراج عقیدت و سلام پیش کرتے ہیں، 16 دسمبر پاکستان کی تاریخ کا سیاہ دن ہے، سانحہ اے پی ایس سے کئی سال پہلے اسی تاریخ کو سقوط ڈھاکہ ہوا جب مشرقی بنگال کو الگ کردیا گیا پاکستان کی تاریخ وہ دن بھی ہمیشہ یاد رکھے گی۔

فاروق ستار نے کہا کہ سانحہ آرمی پبلک اسکول پشاور میں 16 دسمبر 2014ء کو جو دہشت گردی ہوئی وہ انسانیت کے منہ پر طمانچہ تھی جب معصوم پھولوں کو خون میں نہلا دیا گیا، پاکستانی قوم نے اپنے معصوم شہدا کو مٹی کے سپرد کردیا، آرمی پبلک اسکول کے شہدا کے خاندان چھٹی برسی پر بھی انصاف کے منتظر ہیں، میری ریاست سے اپیل ہے کہ اب لواحقین کے ساتھ انصاف کیا جائے۔
خبر کا کوڈ : 904138
رائے ارسال کرنا
آپ کا نام

آپکا ایمیل ایڈریس
آپکی رائے

ہماری پیشکش