اسلام ٹائمز۔ یمن کی سپریم انقلابی کونسل کے سربراہ محمد علی الحوثی نے جدہ کی بندرگاہ پر ایک آئل ٹینکر کو پیش آنے والے حادثے کی جانب اشارہ کرتے ہوئے لکھا ہے کہ لگتا ہے کہ امریکہ و برطانیہ سعودی بندرگاہوں کی حفاظت کی صلاحیت نہیں رکھتے۔ محمد علی الحوثی نے ٹوئٹر پر جاری ہونے والے اپنے پیغام میں کنایۃ لکھا کہ اگر سعودی حکومت اپنی بندرگاہوں کی حفاظت کے حوالے سے ہم سے درخواست کرے تو ہم اس پر ضرور غور کریں گے؛ خصوصاً ایک ایسے وقت میں جب امریکہ و برطانیہ اس حوالے سے ناکام ہوچکے ہیں اور جیسا کہ سعودی عرب نے اس حادثے کو دہشتگردانہ حملہ قرار دیا ہے۔ انہوں نے اپنے پیغام کے آخر میں لکھا کہ یمنی فوجی و سکیورٹی فورسز امریکی دہشتگردی اور اس سے وابستہ دہشتگرد تنظیموں سے نمٹنے کا بطور کافی تجربہ رکھتی ہیں۔