0
Saturday 19 Dec 2020 15:04

سارے محکمے سندھ حکومت کے پاس ہیں، اب نتائج کیوں نہیں آرہے، وسیم اختر

سارے محکمے سندھ حکومت کے پاس ہیں، اب نتائج کیوں نہیں آرہے، وسیم اختر
اسلام ٹائمز۔ سابق میئر کراچی وسیم اختر کا کہنا ہے کہ اب تو سارے محکمے سندھ حکومت کے پاس ہیں تو اب نتائج کیوں نہیں آ رہے۔ انسداد دہشتگردی عدالت میں پیشی کے موقع پر میڈیا سے غیر رسمی گفتگو کرتے ہوئے وسیم اختر کا کہنا تھا کہ کراچی کی صورتحال پر میڈیا میں تصاویر بھری پڑی ہیں، گٹر ابل رہے ہیں۔ وسیم اختر کا کہنا تھا کہ اب حکومت کے پاس سارے محکمے ہیں، اب نتائج کیوں نہیں آ رہے، الزامات لگائے جارہے ہیں کہ پنشن اور ریٹائرڈ ملازمین کے پیسے کھا گئے۔

وسیم اختر کا مزید کہنا تھا کہ تنخواہیں تو آڈٹ ہونے کے بعد ریلیز ہوتی ہیں اور آڈٹ آفیسر سندھ حکومت کا ہوتا ہے، میرا مشورہ ہے کہ سیاسی لیڈرز بیان دینے سے پہلے ہوم ورک کرلیا کریں۔ سابق میئر کراچی کا کہنا تھا کہ واجبات کی ادائیگی کے لئے کے ایم سی کے اثاثے فروخت کرنے پڑ رہے ہیں، کے ایم سی کے ملازمین کی پنشن ساڑھے چار ارب تک پہنچ چکی ہے۔
خبر کا کوڈ : 904735
رائے ارسال کرنا
آپ کا نام

آپکا ایمیل ایڈریس
آپکی رائے

منتخب
ہماری پیشکش