اسلام ٹائمز۔ مسلم لیگ (ن) کی سینیٹر کلثوم پروین بھی کورونا وائرس کے باعث انتقال کرگئیں۔ تفصیلات کے مطابق سینیٹ میں مسلم لیگ (ن) کی نمائندگی کرنے والی سینیٹر کلثوم پروین گزشتہ گئی ہفتے سے کورونا وائرس کا شکار تھیں، سینیٹ سیکریٹریٹ کی جانب سے بھی سینیٹر کلثوم پروین کے انتقال کی تصدیق کر دی گئی ہے۔ کلثوم پروین گزشتہ کئی ہفتے سے اسپتال میں زیر علاج زندگی و موت کی جنگ لڑ رہی تھی۔ واضح رہے کہ کچھ ماہ قبل پاکستان مسلم لیگ (ن) کے رکن صوبائی اسمبلی شوکت چیمہ کورونا وائرس سے جاں بحق ہو چکے ہیں۔