اسلام ٹائمز - آرمی چیف سے چینی سفیر کی ملاقات

آئی ایس پی آر کے مطابق ملاقات میں دیگر امور کے علاوہ چین پاکستان اقتصادی راہداری منصوبے سمیت علاقائی سلامتی کی صورتحال پر بھی بات چیت کی گئی۔

اسلام ٹائمز۔ آرمی چیف جنرل قمر جاوید باجوہ سے پاکستان میں تعینات چین کے سفیر نے ملاقات کی اور باہمی دلچسپی کے امور سمیت دفاعی تعاون پر تبادلہ خیال کیا۔ انٹرسروسز پبلک ریلیشنز (آئی ایس پی آر) کے مطابق چین کے سفیر نے جی ایچ کیو میں آرمی چیف سے ملاقات کی۔ آئی ایس پی آر کے مطابق ملاقات میں دیگر امور کے علاوہ چین پاکستان اقتصادی راہداری (سی پیک) منصوبے سمیت علاقائی سلامتی کی صورتحال پر بھی بات چیت کی گئی۔ اس موقع پر آرمی چیف کا کہنا تھا کہ چینی وزیر دفاع کےحالیہ دورہ پاکستان سے آئرن برادرز کے تعلقات مزید مضبوط ہوں گے۔ آئی ایس پی آر کے مطابق چین کے سفیر نے خطے میں امن و استحکام کے لیے پاکستان کی کوششوں کو سراہا۔