قوم کو ریاست مدینہ اور تبدیلی کے نعروں سے دھوکہ دیا گیا، سراج الحق

اسلام ٹائمز۔ امیر جماعت اسلامی پاکستان سینیٹر سراج الحق نے استفسار کیا ہے کہ محلات میں رہنے والے حکمرانوں کو عوام کے مسائل کا ادراک کیسے ہوسکتا ہے؟۔ نجی ٹی وی کے مطابق انہوں نے کڑی نکتہ چینی کرتے ہوئے کہا کہ قوم کو ریاست مدینہ اور تبدیلی کے نعروں سے دھوکہ دیا گیا۔ سینیٹر سراج الحق نے کہا کہ عدالتوں اور تھانوں میں آج بھی غریب کی کوئی شنوائی نہیں ہے۔ امیر جماعت اسلامی پاکستان سینیٹر سراج الحق نے کہا کہ کورونا ویکسین کا بندوبست کیا جائے۔ انہوں نے مطالبہ کیا کہ تعلیمی اداروں کو کھولا جائے، کیونکہ ان کا مزید بند رہنا ملک کے مستقبل سے کھیلنے کے مترادف ہے۔