اسلام ٹائمز۔ وزیر برائے اطلاعات سندھ ناصر حسین شاہ نے کہا ہے کہ سی ای سی میں جو فیصلہ ہوگا سامنے آجائے گا، غیر قانونی عمارتوں کے خلاف کارروائیاں جاری ہیں۔ کراچی میں میڈیا سے گفتگو کے دوران ناصر حسین شاہ نے کہا ہے کہ کچھ عرصے سے بلڈنگ بنانے کی اجازت روکی ہوئی تھی، وزیراعظم عمران خان نے گزشتہ اجلاس میں سرزنش کی، وزیر اعظم نے کہا آپ جان بوجھ کر اجازت نہیں دے رہے۔ ناصر حسین شاہ کا کہنا تھا کہ یہ وزیر اعظم صاحب کے احکامات پر ہم نے اجازت دی ہے، عدالت نے کہا ہے کہ چھوڑیں وزیراعظم کے حکم کو۔ ناصر حسین شاہ نے کہا ہے کہ عدالتی احکامات پر من و عن عملدرآمد کرائیں گے۔