اسلام ٹائمز۔ صیہونی میڈیا نے دعوی کیا ہے کہ فلسطینی غزہ کی پٹی کے ساتھ ملحق یہودی بستی میں ہوائی حملے کے الارم بج اٹھے ہیں۔ صیہونی اخبار یروشلم پوسٹ کے مطابق مقبوضہ فلسطین (اسرائیل) کے جنوبی حصے میں واقع "کیبوتص کرام شالوم" نامی غیر قانونی یہودی بستی میں ہوائی حملے کے الارم سنے گئے جس کے باعث وہاں آباد غاصب صیہونی باشندے گھروں سے نکل کر خصوصی پناہگاہوں میں چھپنے پر مجبور ہو گئے۔ واضح رہے کہ ہفتے کے روز علی الصبح غاصب صیہونی رژیم کی جانب سے غزہ کی پٹی کو وحشیانہ بمباری کا نشانہ بنایا گیا تھا۔