QR CodeQR Code

ایل پی جی کی قیمت میں 15 روپے فی کلو اضافہ

31 Dec 2020 14:46

چئیرمین ایل پی جی ایسوسی ایشن کا کہنا ہے کہ بین الاقوامی مارکیٹ میں ایل پی جی کی فی میٹرک ٹن قیمت میں 79 ڈالر اضافہ ہوا ہے، جس کے بعد ایل پی جی کی قیمت 457 ڈالر سے بڑھ کر 536 ڈالر پر پہنچ گئی ہے۔


اسلام ٹائمز۔ ایل پی جی کی قیمت میں 15 روپے فی کلو اضافہ کر دیا گیا، جس کے بعد ایل پی جی کی قیمت 132 روپے سے بڑھ کر 147 روپے فی کلو ہوگئی۔ تفصیلات کے مطابق بجلی اور پیٹرولیم مصنوعات کے بعد حکومت کی جانب سے عوام کے لیے 2021ء کا ایک اور تحفہ آگیا ہے، اور ایل پی جی کی قیمت میں ایک ریکارڈ اضافہ کیا گیا ہے، جس کے تحت فی کلو ایل پی جی 15 روپے مہنگی ہوگئی ہے۔ ایل پی جی ایسوسی ایشن کی جانب سے جاری بیان میں بتایا گیا ہے کہ جنوری 2021ء سے ایل پی جی کی قیمت 132 روپے فی کلو کے جگہ 147 فی کلو ہوگی، گھریلو سلنڈر کی قیمت میں بھی 180 روپے کا اضافہ کیا گیا ہے، جس کے بعد گھریلو سلنڈر 1553 کی جگہ 1733 میں دستیاب ہوگا، جبکہ کمرشل سلنڈر کی قیمت میں بھی 692 روپے اضافہ کردیا گیا ہے۔

چئیرمین ایل پی جی ایسوسی ایشن کا کہنا ہے کہ بین الاقوامی مارکیٹ میں ایل پی جی کی فی میٹرک ٹن قیمت میں 79 ڈالر اضافہ ہوا ہے، جس کے بعد ایل پی جی کی قیمت 457 ڈالر سے بڑھ کر 536 ڈالر پر پہنچ گئی ہے۔ چئیرمین ایل پی جی ایسوسی ایشن نے کہا ہے کہ ایل پی جی پر لیوی سمیت تمام ٹیکسز کا خاتمہ نہ کیا گیا تو 15 جنوری 2021ء سے خیبر سے کراچی تک گیس کی سپلائی بند کر دیں گے۔


خبر کا کوڈ: 907207

خبر کا ایڈریس :
https://www.islamtimes.org/ur/news/907207/ایل-پی-جی-کی-قیمت-میں-15-روپے-فی-کلو-اضافہ

اسلام ٹائمز
  https://www.islamtimes.org