اسلام ٹائمز۔ پی ڈی ایم کے سربراہی اجلاس سے قبل لاہور میں بڑی بیٹھک ہوئی ہے جس میں محمد علی درانی نے پی ڈی ایم سربراہ مولانا فضل الرحمان سے ملاقات کی ہے۔ ملاقات میں ملکی سیاسی صورت حال پر مشاورت کی گئی، محمد علی درانی چند روز قبل لاہور میں اپوزیشن لیڈر شہباز شریف سے بھی جیل میں ملاقات کی تھی، ذرائع کے مطابق، محمد علی درانی نے مولانا فضل الرحمان کو گرینڈ نیشنل ڈائیلاگ کی آفر کی، اس موقع پر مولانا فضل الرحمان نے محمد علی درانی کی ڈائلاگ کی افر مسترد کردی۔ مولانا فضل الرحمان کا کہنا تھا کہ ان حکمرانوں کیساتھ کسی قسم کے مذاکرات نہیں ہو سکتے۔