امامیہ اسٹوڈنٹس آرگنائزیشن پاکستان فیصل ڈویژن کے شہید سبط جعفر یونٹ رتہ کلاں میں شہید قاسم سلیمانی اور شہید ابومہدی المہندس کی پہلی برسی کے موقع پر نشست کا اہتمام کیا گیا۔ مدافعان حرم اور شہدائے قدس کی پیلی برسی کی مناسبت سے منعقد ہونیوالے پروگرام میں مولانا مظہر عباس نجفی نے شہید کی زندگی کے بارے میں شرکا سے گفتگو کی اور ایام فاطمیہ کی مناسبت سے حضرت فاطمہ زھرا سلام اللہ علیہا کی سیرت اور شہادت سے متعلق مصائب بیان کیے۔