اسلام ٹائمز۔ بلوچستان کے علاقے مچھ میں شیعہ ہزارہ کان کنوں کی بہیمانہ شہادتوں کے بعد سے شہداء کے لواحقین گذشتہ چھ دنوں سے میتیں رکھ کر کوئٹہ کے مغربی بائی پاس پر احتجاجی دھرنا دیئے بیٹھے ہیں۔ دھرنے کے شرکاء اور شہداء کے لواحقین سے اظہار یکجہتی کیلئے جمیعت علمائے اسلام کے مرکزی رہنماء مولانا عبدالغفور حیدری نے شہداء کے لواحقین سے سے ملاقات کی۔ انہوں نے دھرنے کے شرکاء سے اظہار ہمدردی کیا اور ان کے مطالبات کی تائید کی۔