0
Wednesday 13 Jan 2021 23:04

ایبٹ آباد و مانسہرہ، گھروں میں گیس لیکیج سے خواتین و بچوں سمیت 8 افراد جاں بحق

ایبٹ آباد و مانسہرہ، گھروں میں گیس لیکیج سے خواتین و بچوں سمیت 8 افراد جاں بحق
اسلام ٹائمز۔ ایبٹ آباد اور مانسہرہ کے علاقوں میں گھروں میں گیس لیکیج سے خواتین و بچوں سمیت 8 افراد جاں بحق ہوگئے۔ تفصیلات کے مطابق ضلع ایبٹ آباد میں تھانہ میرپور کی حدود پھول گلاب روڈ پر کمرے میں گیس بھر جانے سے میاں بیوی اور 3 بچے جاں بحق ہوئے، ریسکیو اور پولیس کے مطابق محمد جاوید اس کی اہلیہ یاسمین بی بی اور بچیاں بارہ سالہ مریم، دس سالہ مروا اور دو سالہ اقصیٰ رات کو کمرے میں ہیٹر لگا کر سوئے تھے، اس دوران کمرے میں گیس بھر جانے کے باعث دم گھٹنے سے چل بسے۔

لاشیں پوسٹ مارٹم کے بعد ورثا کے حوالے کر دی گئیں، بدقسمت فیملی کا تعلق قلندر آباد سے تھا اور پھول گلاب روڈ پر کرائے کے مکان میں رہتے تھے۔ ادھر مانسہرہ کے نواحی علاقہ پوٹھہ میں گیس ہیٹر سے دم گھٹنے کے باعث میاں بیوی اور ایک ماہ کا بچہ جاں بحق ہوگئے، اویس، اس کی بیوی مصباح بی بی اور ایک ماہ کا بچہ حسنین صبح جب دیر تک بیدار نہ ھوئے تو بند دروازہ توڑ کر جب لواحقین اندر داخل ھوئے تو تینوں کی نعشیں پڑی تھیں۔
خبر کا کوڈ : 909962
رائے ارسال کرنا
آپ کا نام

آپکا ایمیل ایڈریس
آپکی رائے

ہماری پیشکش