اسلام ٹائمز - کرپشن کرنے والے ملک و قوم کے مجرم ہیں، بزدار

اپنے ایک بیان میں وزیراعلیٰ پنجاب کا کہنا ہے کہ ماضی میں بے دردی سے قومی وسائل کو لوٹا گیا، سیاست کو ذاتی کمائی کا ذریعہ بنانا عوام سے ظلم کے مترادف ہے۔

اسلام ٹائمز۔ وزیراعلیٰ پنجاب عثمان بزدار کا کہنا ہے کہ کرپشن پاکستان کا سب سے بڑا المیہ ہے، کرپشن کرنے والے ملک و قوم کے مجرم ہیں، سابق ادوار میں سیاست کو کرپشن سے آلودہ کیا گیا۔ اپنے ایک بیان میں وزیراعلیٰ پنجاب عثمان بزدار کا کہنا تھا کہ ماضی میں بے دردی سے قومی وسائل کو لوٹا گیا، سیاست کو ذاتی کمائی کا ذریعہ بنانا عوام سے ظلم کے مترادف ہے۔ انہوں نے کہا کہ کرپشن کے مضر اثرات سے پورا معاشرہ تباہ ہوتا ہے۔ وزیراعلیٰ نے کہا کہ ماضی میں کرپشن نہ کی جاتی تو پاکستان کا شمار آج ترقی یافتہ ممالک میں ہوتا۔