مہنگائی کے نئے طوفان کی آمد، پٹرول کی قیمت میں 12 روپے فی لیٹر اضافے کا امکان

اسلام ٹائمز۔ 16 جنوری سے پٹرول کی قیمت میں 12 روپے فی لیٹر اضافے کا امکان ہے۔ذرائع کے مطابق 16 جنوری سے پیٹرول کی قیمت میں 11 روپے 95 پیسے اور ہائی اسپیڈ ڈیزل کی قیمت میں 9 روپے 57 پیسے فی لیٹر تک اضافے کا امکان ہے تاہم وزارت خزانہ کل وزیراعظم کی منظوری کے بعد سے قیمتوں کا اعلان کرے گی جب کہ نئی قیمتیں 15 روز کے لیے نافذ ہوں گی۔ واضح رہے کہ ملک میں آئے روز بڑھتی ہوئی مہنگائی نے عوام کی مشکلات میں اضافہ کر رکھا ہے، اور مہنگائی کا یہ طوفان تھمنے کو نہیں آرہا۔