QR Code
صادق آباد، مزار کی چادر کو جلانے والے نامعلوم افراد کیخلاف مقدمہ درج، ملزمان کی تلاش شروع
15 Jan 2021 22:00
تفصیل کے مطابق تھانہ سٹی صادق آباد کی حدود فتہ کٹہ کے رہائشی متولی سید عملداد حسین نقوی نے پولیس کو اپنی دی جانیوالی تحریری شکایت میں بیان کیا کہ 7 جنوری کی شب کو نامعلوم ملزم نے مزارات پر ڈالی گئیں آیت قرآنی اور پنجتن پاک کے ناموں سے تحریر ہوئی چادروں کو اگ لگا کر جلا دیا ہے۔
اسلام ٹائمز۔ رحیم یار خان کی تحصیل صادق آباد میں نامعلوم ملزم نے مزارات پر آیت قرانی اور پنچتن پاک کے ناموں سے تحریر ہوئی چادروں کو آگ لگا کر جلا دیا، جس کے بعد علاقہ میں اشتعال پیدا ہوگیا، پولیس نے متولی کی مدعیت میں مقدمہ درج کر لیا، تفصیل کے مطابق تھانہ سٹی صادق آباد کی حدود فتہ کٹہ کے رہائشی متولی سید عملداد حسین نقوی نے پولیس کو اپنی دی جانے والی تحریری شکایت میں بیان کیا کہ 7 جنوری کی شب کو نامعلوم ملزم نے مزارات پر ڈالی گئیں آیت قرآنی اور پنجتن پاک کے ناموں سے تحریر ہوئی چادروں کو آگ لگا کر جلا دیا ہے، سید علمداد حسین نقوی کی رپورٹ پر پولیس نے نامعلوم ملزم کے خلاف مقدمہ درج کرکے کارروائی شروع کر دی۔ پولیس نے اپنے موقف میں بتایا کہ نامعلوم ملزمان کی تلاش کا عمل جاری ہے۔
خبر کا کوڈ: 910376