اسلام ٹائمز۔ شدید دھند کے باعث کئی گھنٹے کیلئے عارضی طور پر بند کی گئی اسلام آباد پشاور موٹروے موسم صاف اور بہتر ہونے پر ہر قسم کی ٹریفک کیلئے دوبارہ کھول دی گئی ہے۔ موٹروے پولیس کے مطابق آج صبح رشکئی سے پشاور تک موٹروے پر شدید دھند کے باعث کئی مقامات پر حد نگاہ 10 میٹر تھی جس کے باعث حادثات سے بچنے کیلئے موٹروے کو ہر قسم کی ٹریفک کیلئے عارضی طور پر بند کیا گیا، تاہم کئی گھنٹے بعد موسم صاف اور بہتر ہونے پر موٹروے کو ہر قسم کی ٹریفک کیلئے دوبارہ کھول دیا گیا ہے اور مسافر دن 12 بجے کے بعد سے اس پر سفر کرسکتے ہیں۔