اسلام ٹائمز۔ خیبر پختونخوا میں کورونا کے وار جاری ہیں۔ محکمہ صحت کی رپورٹ کے مطابق خیبر پختونخوا میں گذشتہ 24 گھنٹوں میں 8 افراد کورونا سے جاں بحق ہوئے، صوبے میں کورونا سے ہونے والی کُل اموات 1799 ہوگئیں۔ 24 گھنٹوں کے دوران خیبر پختونخوا میں کورونا کے 253 نئے کیسز رپورٹ ہوئے۔ صوبے میں کورونا سے متاثرہ افراد کی تعداد 64078 ہوگئی۔ رپورٹ کے مطابق خیبر پختونخوا میں گذشتہ 24 گھنٹوں میں کورونا سے 455 مریض صحتیاب ہوئے، صوبے میں کورونا سے صحتیاب افراد کی تعداد 58803 ہوگئی، صوبے میں ایکٹو کیسز کی تعداد 3476 ہیں۔