QR Code

براڈشیٹ معاملہ، جسٹس (ر) عظمت شیخ کی سربراہی میں کمیٹی قائم

22 Jan 2021 11:21

وفاقی وزیراطلاعات نے سماجی رابطوں کی ویب سائٹ ٹوئٹر پر لکھا ہے کہ کمیٹی مجاز ہے کسی کو بھی طلب کرسکتی ہے، کمیٹی 45 دنوں میں کام مکمل کرے گی، انکوائری کے نتیجے میں تمام سوالات کے جواب ملیں گے، ہمیں اپنے پیسے سے غرض ہے کہ ہمارا پیسہ گیا کیوں۔

اسلام ٹائمز۔ وفاقی حکومت نے براڈ شیٹ معاملے کی تحیقیقات کیلئے سپریم کورٹ کے ریٹائرڈ جج جسٹس (ر) عظمت سعید شیخ کو انکوائری کمیٹی کا سربراہ مقرر کردیا ہے۔ وفاقی وزیراطلاعات نے سماجی رابطوں کی ویب سائٹ ٹوئٹر پر جسٹس (ر) عظمت سعید شیخ کو انکوائری کمیٹی کا سربراہ مقرر کرنے کا اعلان کیا۔ انہوں نے کہا کہ قوم کو پتہ چلنا چاہیے الف سے یہ تک کیا ہوا، کمیٹی مجاز ہے کسی کو بھی طلب کرسکتی ہے، کمیٹی 45 دنوں میں کام مکمل کرے گی، انکوائری کے نتیجے میں تمام سوالات کے جواب ملیں گے، ہمیں اپنے پیسے سے غرض ہے کہ ہمارا پیسہ گیا کیوں۔

خبر کا کوڈ: 911642